Cwynion ac apeliadau
- Cwyno am wasanaeth neu sut y deliwyd â`ch cais
- Os credwch fod ein penderfyniad yn anghywir
- Y Gwasanaeth Tribiwnlys
- Cwyno am yr Adran
Mae`r Adran Gwaith a Phensiynau a`i busnesau wedi ymroi i ddarparu gwasanaethau o safon. Os ydych yn anfodlon, hoffem glywed eich cwyn.
Cwyno am wasanaeth neu sut y deliwyd â`ch cais
Gofynnwn i chi gwyno yn gyntaf wrth reolwr y swyddfa a ddeliodd â`ch cais. Os nad yw`r manylion cyswllt gennych eisoes, gallwch ddod o hyd iddynt yn chwilio am swyddfa leol.
Os nad ydych yn gwybod gyda pha un o fusnesau`r Adran yr ydych wedi bod yn delio, edrychwch yn ein Cysylltiadau A-Y am y budd-dal neu`r hawl yr ydych yn gwneud cais amdano. Bydd hwn yn rhoi gwybod i chi pa fusnes sy`n delio â`r budd-dal neu`r hawl hwnnw.
Mae gan bob un o`n busnesau ei weithdrefn gwyno ei hun ar gyfer ei gwsmeriaid. Dilynwch y cysylltiadau i ddarllen amdanynt:
- Gwneud cwyn i`r Gwasanaeth Pensiwn (bydd y cyswllt hwn yn mynd â chi i wefan Y Gwasanaeth Pensiwn)
- Gwneud cwyn i`r Ganolfan Byd Gwaith (bydd y cyswllt hwn yn mynd â chi i wefan Y Ganolfan Byd Gwaith)
- Gwneud cwyn i`r Asiantaeth Cynnal Plant (bydd y cyswllt hwn yn mynd â chi i wefan yr Asiantaeth Cynnal Plant)
- Gwneud cwyn i`r Gwasanaeth Anabledd a Gofalwyr
Pwysig
Ni allwn ddelio â chwyn fel apêl yn erbyn penderfyniad am fudd-dal. I apelio, darllenwch ‘Os credwch fod ein penderfyniad yn anghywir` isod.
Os credwch fod ein penderfyniad yn anghywir
Os credwch fod ein penderfyniad yn anghywir, gallwch ofyn i ni ei esbonio i chi. Os ydych yn dal i feddwl ei fod yn anghywir ar ôl i ni ei esbonio i chi, fe wnawn ei ystyried eto.
Ar gyfer rhai penderfyniadau, efallai y bydd modd i chi apelio hefyd i dribiwnlys annibynnol a allai newid y penderfyniad os bydd yn cytuno ei fod yn anghywir.
Mae terfynau amser o ran gofyn i ni ystyried penderfyniadau eto ac o ran apelio. Rydym yn sôn am y terfynau amser hyn ac am apelio yn ein llyfryn GL24 Os credwch fod ein penderfyniad yn anghywir (280KB)
Y Gwasanaeth Tribiwnlys
Mae`r Gwasanaeth Tribiwnlys yn sefydliad annibynnol sy`n trefnu ac yn gwrando ar apeliadau yn erbyn penderfyniadau am:
- ddiogelwch cymdeithasol
- cynnal plant
- niwed trwy frechiad
- credydau treth
- adfer iawndal.
Am ragor o wybodaeth, ewch i wefan y Gwasanaeth Tribiwnlys.
Cwyno am yr Adran
Os yw`ch cwyn yn ymwneud â gwaith yr Adran yn gyffredinol, ysgrifennwch at:
DWP Correspondence Unit
Room 539
The Adelphi
1-11 John Adam Street
Llundain
WC2N 6HT